सप्तरी– सप्तरीमा मिटरब्याजबाट पीडित भएकाहरुले प्रदर्शन गरेको छ ।
मिटरब्याजी सप्तरीको खडक नगरपालिका वडा नम्वर ७ कल्याणपुरका रामदेव साह तेलिबाट पीडित भएकाहरुले बुधबार सप्तरी सदरमुकाम राजविराजमा विरोध प्रदर्शन गरेका छन् । विभिन्न गाउँबाट भेला भएका पीडितहरुले नाराबाजी गर्दै राजविराज बजार परिक्रमा गरेका छन् ।
ऋण तिरिसकेको जग्गा फिर्ता गर, रामदेव साहलाई पक्राउ गर, गैरकानुनी कार्यमा सलंग्न साह परिवारलाई कारवाही गर, लगायतको प्लेकार्ड बोकेर नारा लगाउँदै प्रदर्शनकारीहरूले जुलुस निकालेका छन् ।
प्रहरीले जेष्ठ २६ गते रामदेव साह तेलीका छोरा नन्दकिशोरलाई बिहीबार सुनसरीको धरान–१९ बाट र छोरी अनुराधालाई काठमाडौंको गौशालाबाट आइतबार पक्राउ गरेका छन् ।
