रुपन्देही । दाङको लमहीस्थित खोलामा डुबेर दुई जना बालकको मृत्यु भएको छ ।
मृत्यु हुनेमा लमही नगरपालिका वडा नम्बर ४ अर्नवा निवासी अन्दाजी १० वर्षीय गुइठे कुमाल र सोही ठाउँ निवासी १२ वर्षीय ललित कुमाल रहेको प्रहरीले जनाएको छ ।
मङ्गलवार दिउँसो साढे ३ बजे लमहीको अर्जुनखोला पुल मुनि नुहाउन गएको बेला खोलामा डुबेर मृत्यु भएको प्रहरीले जनाएको छ ।
मङ्गलवार दिउँसो पाँच जनाको समूह अर्जुनखोलामा नुहाउन गएको र सोही क्रममा डुबेर दुई जना बालकको मृत्यु भएको हो ।
मृतकको शव अहिले लमही अस्पतालमा राखिएको छ ।
