काठमाडौँ । काठमाडौँको बालाजुस्थित बाइसधारामा एक जुत्ता चप्पल कारखानामा आगलागी भएको छ ।
काठमाडौँ महानगरपालिका–१६ बालाजु बाइपासको औद्योगिक क्षेत्रनजिकै रहेको वान वर्ल्ड जुत्ता चप्पल कारखानामा आगो लागेको हो ।
अहिले उक्त स्थानमा प्रहरी टोली पुगिसकेको र आगो निभाउने प्रयास भइरहेको प्रहरी परिसर काठमाडौँका प्रवक्ता दिनेश मैनालीले जानकारी दिनुभयो ।
आगो निभाउनका लागि दमकलसहित सुरक्षाकर्मी परिचालन गरिएको छ । अहिलेसम्म आगलागीको कारण खुलेको छैन ।
थप विवरण आउन बाँकी।
