काठमाडौं । चीनको हान्झाउमा जारी १९औं एसियाडमा महिला थ्री बाई थ्री बास्केटबलमा नेपालले लगातार दोस्रो हार ब्यहोरेको छ ।
समूह बीअन्तर्गत देकिङ जिओग्राफिक इन्फरमेसन पार्क बास्केटबल कोर्टमा बुधबार भएको खेलमा नेपाल कजाखस्थानसँग १७(१० ले पराजित भएको हो ।
यसअघि जापानसँग पराजित भएको नेपालले दोस्रो खेलमा सुधारिएको प्रदर्शन गरेपनि जितका लागि भने पर्याप्त भएन ।
कजाखस्थानविरुद्ध नेपालकी कप्तान श्रेया खड्का र मीना गुरुङले समान ४ अंक स्कोर गरे भने गरिसा सिलवाल र रिन्छेन मोक्तानले समान एक अंक स्कोर गरे ।
