८ जेष्ठ २०८१, मंगलवार 1716331078
Banner

एमाले हराउन इलामकै नेताहरू लागेका थिए, तर, ५ सय मत पनि पाएनन् : ओली

इलाम। नेकपा एमालेका अध्यक्ष केपी शर्मा ओलीले नेकपा एमाले छाडेका इलामकै नेताहरू यो पटक निर्वाचनमा एमालेका उम्मेदवार हराउन बेस्सरी लागेको टिप्पणी गर्नुभएको छ।

मंगलबार सुहाङ नेम्बाङ निर्वाचित भएपछि इलाम बजारमा आयोजित सभालाई सम्बोधन गर्दै ओलीले यस्तो बताउनु भएको हो।

अध्यक्ष केपी ओली नवनिर्वाचित सुहाङ नेम्वाङ् विजयी सभा इलाममा फिकल (इलाम), १८ वैशाखः नेपाल कम्युनिष्ट पार्टी (एमाले)का अध्यक्ष तथा पूर्वप्रधानमन्त्री केपी शर्मा ओली मङ्गलबार इलाम क्षेत्र–२ बाट प्रतिनिधिसभा सदस्यमा नवनिर्वाचित सुहाङ नेम्वाङ् विजयी सभालाई इलाम चोकबजारमा सम्बोधन गदै । तस्बिरः रामकुमार लिम्बू÷रासस

अध्यक्ष ओलीले भन्नुभयो, ‘एमाले छाडेका यसै जिल्लाका नेताहरू एमाले हराउन बेस्सरी लागेका थिए। तर ५ सय मत पनि पाएनन्।’

अध्यक्ष ओलीले पहिचान भनेको सबै नेपाली एकै हो भन्ने हुनुपर्ने बताउनु भयो। ‘के हो के हो पनि भयो होला। पहिचान भनेको के हो के हो? केलाई पहिचान भन्ने? हामी सबै नेपाली हो, पहिलो पहिचान नै त्यही हो।’

सुहाङको जितले वितगको मूल्यांकन र भोलिको राष्ट्रिय राजनीतिको संकेत गरेको बताउनु भयो । उहाँले भन्नुभयो, ‘यो सानो कुरा होइन, यसले विगतका कामको मूल्यांकन गरेको छ। भोलिको राष्ट्रिय राजनीतितर्फ संकेत गरेको छ। श्रीअन्तुतिरबाट इलाममा फेरि उदाएको सूर्यको संकेत गरेको छ।’