होफेइ – चीनका विदेश मन्त्री वाङ यी र म्यानमारका यु वुन्ना माउङ ल्विनबीच भेटवार्ता भएको छ ।
उहाँहरु बीच चीनको तुन्छीमा शुक्रबार भेटवार्ता भएको सरकारी अधिकारीहरूले जानकारी दिएका छन् । दुई देश बीचको परम्परागत सम्बन्धलाई थप बलियो बनाउन भेटवार्ता उपलब्धीमूलक भएको उनीहरूको भनाई छ ।
वार्ताका क्रममा चिनियाँ विदेशमन्त्री यीले म्यानमारलाई विगतमा गर्दै आएको सहयोग वृद्धि गर्ने प्रतिवद्धता पनि जनाउनु भएको थियो ।
म्यानमारका गत वर्ष सेनाले सत्ता हातमा लिएपछि कतिपय देशहरूले दिई आएको सहयोग कटौती गरेपनि चीनले भने बढाउदै लगेको हो ।
सेनाले चालेको कदमको विश्वका धेरै देशले विरोध गरेपनि चीनले भने विरोध गरेको थिएन । बरु म्यानमारका लागि अत्यावश्यक पर्ने कतिपय सहयोग चीनले नै दिएर म्यानमारको सङ्कट टारेको थियो ।
चीनले म्यानमारसँग विविध क्षेत्रमा सहकार्य र सहयोग बढाउन चाहेको पनि चिनियाँ विदेश मन्त्री यीले बताउनु भएको थियो ।
उहाँहरूले कोरोनाभाइरसको महामारी विरुद्धका संघर्ष र आफूहरूले गरेको प्रयासका बारेमा पनि अनुभव आदान प्रदान गर्नु भएको थियो ।
