काठमाडौँ । यती एयरलाइन्सको विमान पोखरामा आकस्मिक अवतरण गरिएको छ ।
पोखराबाट काठमाडौँका लागि उडेको यती एयरलाइन्सको नाइन एन एएनजी कलसाइन विमानको इन्जिनमा खराबी आएपछि पुनः पोखरा फर्काएर आकस्मिक अवतरण गरिएको हो ।
उडेको केही बेरमै विमानमा समस्या देखिएपछि आकस्मिक अवतरण गरिएको हो ।
पोखराबाट ४५ जना यात्रु लिएर शुक्रवार बिहान ८ः५४ बजे काठमाडौँका लागि उडेको विमानमा उडे लगत्तै खराबी देखिएपछि ग्राउण्ड खाली गराएर सकुशल अवतरण गराइएको हो ।
उडेको ६ मिनेटमै विमानलाई अवतरण गराइएको थियो ।
