काठमाडौं– प्रधानमन्त्री शेरबहादुर देउवासँग नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालबीच बैठक सुरु भएको छ ।
प्रधानमन्त्री निवास बालुवाटारमा दिउँसो ४ बजेदेखि बैठक सुरु भएको हो ।
बैठकमा स्थानीय तहको निर्वाचनको मिति र एमसीसीका बारेमा छलफल हुने स्रोतले जनाएको छ ।
एमाले अध्यक्ष ओली सत्ता बहिर्गमनपछिको ७ महिनापछि बालुवाटार जानुभएको हो ।
बैठकमा एमाले महासचिव शंकर पोखरेल र सञ्चार तथा सूचना प्रविधि मन्त्री ज्ञानेन्द्रबहादुर कार्कीको पनि उपस्थिति छ ।
